As jy hou van lekker eet, is Breestraat dié plek vir jou. Nie net het SARIE KOS al vir ons lesers vertel hoe gewild dié straat se eetplekke is nie, selfs die Amerikaanse Vogue het hul gunsteling-plekke in Breestraat aangewys. 

Lees die volledige storie hier.

In SARIE KOS Desember 2015/Januarie 2016 het ons gesels met koskenners en gewone mense wat proe-proe die straat verken – en hulle stem saam: Niemand sal honger (of teleurgesteld!) huis toe gaan nie.

Barbara se gunsteling-eetplek in Breestraat: Charango Grill & Bar. Dis ’n Peruaanse restaurant en my gunstelinge op die spyskaart is hul geskroeide (seared) tuna tataki en natuurlik hul steak. Die restaurant het ’n baie lekker atmosfeer en jy moet bespreek.

Lewendig, opwindend en talle opsies. Hier’s wat Breestraat jou kan bied.

Straatkos by Chefs Warehouse and Canteen (Breestraat 92)

FOTO Chefs Warehouse

Sjef Liam Tomlin is aan die stuur en sý filosofie is eenvoudig: Almal het die reg om lekker en goed te eet. Tapas is Chefs Warehouse se ding. Die spyskaart verander daagliks en jy kan nie vooraf bespreek nie.

Besoek hul webwerf vir meer inligting.

IYO Burgers (Inside & You’re Out) (Breestraat 103)

FOTO Facebook

Al gehoor van burgers met bederwe soos avokado, brie-kaas, kasjoeneute, roket en ’n whisky-braaisous? Dis maar ’n paar van die ongewone kombinasies op dié sogenaamde “etiese burgers”. Slegs plaaslike bestanddele word ingespan, die koppies, bekers en glase word vervaardig van herwinbare glas en die personeel dra uniforms van organiese katoen en hennep. Hul doelwit? Om die omgewing te respekteer en terselfdertyd die heel lekkerste burgers te maak.

Besoek hul webwerf vir meer inligting.

Weinhaus + Biergarten (Breestraat 110)

’n Gróót pluspunt is die musikante en lang tafels waar jy met oorgawe kan kuier. Bestel ’n bier en kuier heerlik saam met jou vriende.

Besoek hul Facebook-blad vir meer inligting.

Max Bagels (Breestraat 120)

Speel jy is iewers in New York. Want mense wat hier bagels eet, reken dit smaak nés die Amerikaners dit maak. Een van hul gewildste vulsels is gesoute beesvleis met ’n agurkie en mosterd. Elke bagel word voorgesit met roomkaas.

Besoek hul webwerf vir meer inligting.

Birds Boutique Café (Breestraat 127)

Verwag heilsame geregte soos quiche of vegetariese risotto. Vir die suikertand is daar ook gawe opsies.

Besoek hul Facebook-blad vir meer inligting.

Bocca-restaurant (H/v Waal- en Breestraat)

FOTO Facebook/Bocca

Bocca beteken “mond” in Italiaans en dit is erg gepas. Hier gaan dit mos oor lekker eet. Dink aan die Italiaanse Mama se beproefde resepte – maar in ’n byderwetse omgewing.

Dié restaurant is die tweede skepping van Neil Grant, wat afgeskop het met die bekroonde Burrata by The Old Biscuit Mill in Woodstock.

Besoek hul webwerf vir meer inligting.

Jason’s Bakery (Breestraat 185)

FOTO Facebook

By die heerlike bakkery is die gewilde “Cronuts” en “Doussants” beslis ’n móét-eet. Om teleurstelling te voorkom, bel en gee jou bestelling vir dié fyngebak.

Besoek hul webwerf vir meer inligting.

Culture Club Cheese (Breestraat 215)

FOTO Facebook / Culture Club Cheese

As jy ’n kaasliefhebber is, sal jy beslis nie met leë hande daar uitstap nie.

Besoek hul webwerf vir meer inligting.

Mother’s Ruin Gin Bar (Breestraat 219)

FOTO Facebook / Mother Gin

Noem dit ’n soort jenewer-buffet – met plaaslike en internasionale jenewer. Daar’s skemerkelkies wat jou sal omboul … en deesdae tot ’n kinawater met kaneel wat ’n bietjie spin op die klassieke G&T sit.

Besoek hul webwerf vir meer inligting.

Orphanage Cocktail Emporium (Breestraat 227)

Dit word bestempel as die Prada van cocktail bars. En as jy ’n slag lus is vir iets anders, moet jy beslis ’n skemerkelkie hier kom geniet.

Besoek hul webwerf vir meer inligting.

Sababa Kitchen & Deli (Breestraat 231)

In dié eetplek met sy magdom gesonde, kleurryke, geurige Midde-Oosterse en Mediterreense kos gaan jy nié vermaak word deur ’n buikdanser nie, maar wél wegstap met ’n knus “magie vol, ogies toe”. Dis ’n klein, moderne ruimte.

Besoek hul webwerf vir meer inligting.

Clarke’s Bar & Dining Room (Breestraat 133)

FOTO Facebook

Soms wil jy voel of jy sommer saam met jou beste vriende om die tafel kuier wanneer jy uiteet. Probeer hul Weskus-oesters met fyngekapte salot en rooiwyn-asyn, “ryk en vetterige” beesvleis-hamburger met ’n dik skyf kaas en dubbelgebraaide slaptjips.

Besoek hul webwerf vir meer inligting.

– Hou jou lyf trots Suid-Afrikaans en gaan besoek Breestraat in Kaapstad.

Lees nou

Wat eet bekendes: Margit Meyer-Rödenbeck se sappige bobotie

Kosflaters word nuwe treffers

Reënboogmielies – en jy kan dit eet!

The post Amerikaners sien Kaapse Breestraat raak appeared first on SARIE.

Een is bekend as die kaal sjef en die ander as die gillende sjef wat jou goed kan slegsê. En nóú gaan sjefs Gordon Ramsay en Jamie Oliver albei vir ’n vyfde keer pa word.

In ’n onderhoud op The Late Late Show met James Corden het Gordon aangekondig dat sy vrou, Tana, hul vyfde kind verwag. Die paartjie is al 20 jaar getroud en het reeds vier kinders, Megan (18), ’n tweeling, Jack en Holly (16), en Tilly (14). Die baba, ook ’n dogtertjie, sal in September haar opwagting maak.

“Ek is nogal bekommerd, vier dogters! Vier sestiende verjaardae, vier kêrels, vier troues!” het Gordon skertsend gesê.

Kyk die onderhoud hier: 

Jamie Oliver en sy vrou, Jools, verwag ook hul vyfde baba. Die paartjie het drie dogters, Poppy Honey (14), Daisy Boo (12) en Petal Blossom (6), en ’n seun, Buddy Bear (5). Wonder wat hul vyfde kind se naam gaan wees? Rose Bush of Sir Wolf?

Kyk die onderhoud hier:

Jamie en Jools is nie al bekendes wat hul kinders vreemde name gee nie. Klik hier om ander bekende baba’s se name te hoor.

Lees nou

Ryan Gosling en Eva Mendes verwelkom 2de baba

So lyk 2016 se celeb-babas

The post Dié TV-sjefs kook nie net in die kombuis nie appeared first on SARIE.

Vandag fokus sjef Jamie Oliver op sy kosrevolusie! Nou kan jy vir Jamie en gaste regstreeks sien kos maak. In samewerking met Facebook kan jy hom nou op sy amptelike blad in aksie sien. En dis alles vir ’n goeie doel.

Jamie wil vandag met sy veldtog, Food Revolution, bewusmaking oor die gesondheid van kinders, asook die belangrikheid van goeie voeding, skep.

Klik hier vir die regstreekse uitsending.

Vir 15 jaar veg Jamie al vir die gesondheid van kinders. In 2004 het hy skole in Brittanje besoek om te kyk of hy hul middagetes gesonder kan maak. Sy nuutste poging is Food Revolution. Hy wil mense die wêreld oor inspireer om meer gesond te eet, want dié statistieke is skokkend: 41 miljoen kinders onder die ouderdom van 5 is oorgewig, terwyl 159 miljoen kinders ondervoed is.

FOTO: Facebook

Die Food Revolution gaan oor ons almal wat ’n verskil kan maak – wat kook jy vir jou kinders, lees jy oor huidige koskwessies, deel jy met jou gemeenskap wat jy geleer het en koop jy gesonder produkte?

Dit is nie drastiese verskille nie, dit gaan daaroor dat jy meer positief kan optree om ’n beter, gesonder en gelukkige wêreld te help skep.

As ma van drie dogters is dit vir my ook belangrik dat kinders gesond moet eet.

Maar dis nie net Jamie wat regstreeks kook nie, ander internasionale sjefs kook ook vir dié doel! Klik hier om uit te vind wanneer dié sjefs kook.

The post Jy kan Jamie Oliver regstreeks sien kook! appeared first on SARIE.

Groenboontjies is die perfecte bykos vir ’n tradisionele Sondag middagete. Hierdie resep is lekker maklik en gesond.

• 30 ml botter
• 30 ml olyfolie
• 1 ui, fyngekap
• 200 g kersietamaties, in die helfte gesny
• 700 g vars groenbone, heel
• sout en varsgemaalde swartpeper

Verhit die botter en olyfolie saam. Braai die ui tot sag en deurskynend – voeg die tamaties en groenbone by en braai verder vir nog sowat 8 tot 10 minute. Geur met sout en swartpeper.

The post Groenbone met tamatie appeared first on SARIE.

Vandag is Wêreld-Oseanedag. ’n Dag wat ons nie net herinner aan die wondere van die see nie, maar ook hoe die mensdom die see beter moet oppas. ’n Onlangse studie het bevind dat daar teen 2050 meer plastiek as visse in die see gaan wees, berig Al Jazeera.

Die totale waarde van verlore skatte in die see is glo $60 miljard (sowat R893 miljard), berig Popular Mechanics. En volgens die Verenigde Nasies se Opvoedkundige, Wetenskaplike en Kulturele Organisasie (Unesco) is daar meer as 3 miljoen skeepswrakke in die see.

Aan die Suid-Afrikaanse kuslyn lê daar glo meer as 3 000 skeepswrakke. Maar die wet op nasionale erfenishulpbronne van 1999 verhoed duikers om by wrakke ouer as 60 jaar te duik.

Dis nie al skatte wat die see huisves nie. Seekos is glo ’n skat vir jou gesondheid. Die meeste van ons eet seewier wanneer ons smul aan stukkies sushi. Maar die bekende sjef Jamie Oliver sê hy het 13 kg verloor deur daagliks seegras te eet, berig Daily Mail. Victoria Beckham is ook ’n aanhanger van seegras.

5 redes waarom seegras goed is vir jou

1. Seegras is laag in koolhidrate en vol minerale.

2. Dis baie goed vir jou vel – dit help jou liggaam om van gifstowwe ontslae te raak.

3. Dis ryk aan vesel.

4. Bevat baie yster en vitamien C.

5. Dis baie gesond vir jou hart en kan ook help om jou bloeddruk te reguleer.

Bron: Webmd

See vir jou vel

Die hart van die elke La Mer-produk is Miracle Broth. Om dit te skep word seegras met bestanddele soos sitrus- en bloekomolie en vitamiene gemeng. Die seegras word aan die Kanadese kus met die hand geoes. Net die boonste blare word gepluk sodat die ekostelsel nie versteur word nie.

Dit word dan op ys vervoer na laboratoriums, waar dit saam met die ander bestanddele deur ’n biofermentasieproses van drie tot vier maande gaan. Tydens dié proses word dit aan klank- en lig-energie blootgestel om die mengsel se voordele vir jou vel te verhoog.

Die vervaardigers van die velsorgreeks het hulle daartoe verbind om die oseane se natuurlike habitat te beskerm. Lees meer oor hul betrokkenheid hier.

Lees nou

Afbeen-avonturier Lewis Pugh Rusland toe

Só toer krieketkaptein AB met klein AB

The post Skatte van die see appeared first on SARIE.

As jy nog nie jou nuuste SARIE KOS Junie/Julie 2016 gekoop het nie, sal jy spyt wees. Ek deel graag een resep met julle. Die sterk gegeurde botter saam met gebraaide mielies is ideaal vir koue dae.

Mielies met botter en kaas

genoeg vir 6

• 6 mielies, skoongemaak
• 150 g (160 ml) botter
• 2 ml rooipeper (cayenne pepper )
• 2 wiele fetakaas, fyngekrummel
• 60 g fyn parmesaankaas
• 15 g vars koljander, fyngekap

Bring ’n groot kastrol vol water tot kookpunt. Plaas mielies in kookwater en maak kastrol toe met deksel. Laat prut 10 minute. Dreineer in vergiettes. Verhit ’n riffelpan tot baie warm. Skroei mielies reg rondom. Plaas botter en rooipeper in ’n kastrol. Smelt die botter en voeg fetakaas, parmesaankaas en koljander by. Meng goed. Plaas mielies in opdienbak en gooi gesmelte botter oor. Sit onmiddellik voor.

Vir nog heerlike resepte kry jou nuutste SARIE KOS Junie/Julie 2016.

The post Mielies teen die koue appeared first on SARIE.

Winter is behoorlik hier, en wat is nou lekkerder as ’n warm bord kerrie? Of dit nou ’n lamskenkelkerrie, hoenderkerrie-pot of ’n jaffel gevul met kerriemaalvleis is – beter as dít sal jy nie kry nie. 

Verdryf die koue met ’n vuurtjie in die kaggel en ’n pot kerrie op die stoof. Die meeste van ons het met kerrie groot geword. Of dit nou maalvleiskerrie in ’n vetkoek is of ’n regte Maleise kerrie – dit bly maar die gereg vir die winter.

Moenie onnodig koud kry nie! Eet jouself warm met dié heerlike resepte.

Kerrie-jaffel

FOTO Micky Hoyle
SARIE KOS DES 2012/JAN 2013

Karoo-lamskenkelkerrie met geelrys en rosyne

FOTO Mickey Hoyle

Hoenderkerrie-pot

FOTO Micky Hoyle

Lees nou

Het jy dít geweet van saffraan, truffel-olie, kaviaar, wasabi?

5 dinge wat jy van vark moet weet + die lekkerste ribbetjies

Hoenderpastei met Barbara & Victor Matfield

The post Kies ’n kerrie vir die koue dae appeared first on SARIE.

• 3 snye wit- of bruinbrood
• hand vol pietersielie
• 50 okkerneute
• 125 g sagte botter
• sout en varsgemaalde swartpeper na smaak
• 1 vryloop-hoender
• sap van 1 suurlemoen

Rooster die brood. Die rede hoekom ek dit doen, is omdat vars brood nie goed werk as jy broodkrummels wil maak nie. Plaas pietersielie en okkerneute in ’n voedselverwerker en kap fyn. Breek roosterbrood in stukke en voeg by in voedselverwerker. Kap fyn. Voeg sagte botter by en meng goed. Geur met sout en peper. Maak die vel op die borskas van die hoender los deur saggies met jou vingers van die agterkant te werk (nie die nek se kant), soos ’n sakkie wat jy oopdruk. Werk maar versigtig, die vel moenie skeur nie. Druk die vulsel bietjie vir bietjie in en vou dan die vel by die opening toe. Bind die hoender se bene vas met tou. Plaas in oondroosterbak en gooi suurlemoensap oor. Geur met sout en peper.

Laai jou inkopielys af as ’n JPEG of PDF.

The post Geroosterde hoender met broodkrummel-en-pietersielie-vulsel appeared first on SARIE.

In die rolprent It Takes Two (1992), met die tweeling Mary-Kate en Ashley Olsen, eet Ashley Sloppy joe by ’n kamp. Dis heerlike maalvleis wat jy in ’n broodrolletjie sit, ’n morserige gedoente maar só lekker. Hier is nog idees van wat jy alles met jou oorskiet-bolognese-sous kan maak.

Maak bolognese soos die Italianers met hierde maklike resep!

1. Sloppy joe

Koop broodrolletjies en skep van jou orige bolognese-sous in die rolletjies. Vir ekstra lekkerte kan jy gerasperde cheddarkaas bysit.

via GIPHY

2. Macaroni-en-kaas

Rek jou macaroni-en-kaas verder deur bolognese-sous by te voeg.

FOTO Mickey Hoyle SARIE KOS Junie/ Julie 2013

Kry die resep hier

3. Met gebakte aartappel

Bak jou aartappels direk op die oondrak tot die skil lekker bros is. Sit voor saam met bolognese-sous en gerasperde cheddarkaas.

Foto deur Micky Hoyle
SARIE KOS JUN/JUL 2012

Kry die resep hier

4. Herderspastei

Voeg ’n groot hand vol gerasperde parmesaankaas by jou kapokaartappels en skep dit bo-op jou bolognese voor jy dit in die oond bak.

FOTO Donna Lewis

Kry die resep hier

5. Moussaka

Moussaka is ’n Griekse gereg wat bestaan uit lae bolognese-sous en gebraaide eiervrug. Dit is Griekeland se ekwivalent van lasagne.

FOTO Mickey Hoyle

Kry die resep hier

The post Oorskiet-bolognese? Hier’s 5 lekkerste idees appeared first on SARIE.

Dis byna tyd vir die Olimpiese Spele in Rio! En die nuwe SARIE KOS bevat ook ’n stukkie Rio.

Lees in jou nuwe SARIE KOS hoe Pieter Hugo gesels met Karien Pretorius (sy is oorspronklik van Potchefstroom en woon nou in São Paulo) oor die Olimpiese Spele en Brasilië se gunsteling-gereg, feijoada, ’n bredie van varkvleis en bone.

Kook gerus hierdie gereg en ervaar die geure van Brasilië in jou eie huis. Kry die lekker resep hier.

Lekker eet,

Barbara

The post Jou nuwe SARIE KOS is Maandag op die rak! appeared first on SARIE.

Suid-Afrikaners sal môreoggend om 09:35 vir die Leeus skree in die eindstryd van die Superrugby-reeks. Die agtsteman Warren Whiteley sal die Leeus lei teen die Hurricanes in Wellington, Nieu-Seeland. Kyk wie is die spanne hier.

Volgens Sport24 se Heinz Schenk is die kanse goed dat die Leeus met die titel kan wegloop! Maar met die gure weer wat Wellington die afgelope week geteister het, kan dit ’n uitdaging wees.

Wen of verloor – ons is trots op hulle! En wat is beter as om dit met ’n sny koek te vier.

Sjokolade-en-karamel-kaaskoek

KORS

– 1 pakkie (200 g) veselkoekies (digestive biscuits)
– 50 g (60 ml) suiker
– 100 g (110 ml) ongesoute botter, gesmelt
– 100 g 70%-donkersjokolade, gesmelt

VULSEL

– 1 kg roomkaas

– 210 g (250 ml) strooisuiker

– 25 g (45 ml) koekmeel

– 5 groot eiers, kamertemperatuur

• 125 ml room

– 5 ml vanieljegeursel

– 1 x 360 g-blik karamel

BOLAAG

– 165 g fudge
– 125 ml room
– 300 g 70%-donkersjokolade
– 80 g witsjokolade

FOTO Micky Hoyle

1. KORS Verhit oond tot 180 °C. Spuit ’n 23 cm-losboom-koekpan met kleefwerende kossproei. Bedek die buitenste rand van die koekpan met foelie en draai dan kleefplastiek om om te keer dat die vulsel uitloop as die pan dalk lek.

Plaas koekies en suiker in ’n voedselverwerker en kap tot fyn krummels vorm. Voeg gesmelte botter by en meng goed. Gooi mengsel in koekpan en gebruik vingerpunte om pan daarmee uit te voer. Die mengsel hoef nie tot heeltemal bo teen die rand te kom nie. Gooi gesmelte sjokolade op bodem en smeer plat. Maak pan toe met kleefplastiek en plaas in yskas tot benodig.

2. VULSEL Plaas roomkaas, strooisuiker en meel in mengbak van ’n elektriese menger. Klits goed vir 2 minute. Skraap kante van mengbak skoon. Breek eiers een-een by en klits elke keer goed. Voeg room by en klits goed vir sowat 5 minute. Voeg geursel en karamel by en klits goed.

3. Plaas uitgevoerde koekpan op ’n bakplaat en gooi vulsel in. As al die vulsel in is en niks lek nie, verwyder die kleefplastiek voor jy dit in die oond sit (behou die foelie). Plaas in oond en bak 15 minute. Draai temperatuur af tot 120 °C. Bak nog 1 uur en 45 minute. Haal uit en laat afkoel. Wanneer afgekoel, plaas in yskas – verkieslik oornag.

4. BOLAAG Breek fudge in stukke en plaas in ’n kastrol. Voeg room by en
plaas op ’n baie lae temperatuur op ’n stoofplaat. Roer sous nou en dan tot gesmelt. Haal af van hitte en gooi in ’n bakkie. Laat heeltemal afkoel by kamertemperatuur. Maak toe met kleefplastiek en plaas in yskas tot benodig. Breek donkersjokolade in
stukke en plaas in ’n mengbak wat bo-op ’n kastrol met kookwater sal pas. Haal
kastrol af van stoofplaat en plaas bak op kastrol. Laat sjokolade smelt. Skep
sjokolade in rugbybal-plastiekvorms (sien bl. 12) en laat hard word by kamertemperatuur.

Keer versigtig uit en plak aanmekaar met nog gesmelte
sjokolade. Smelt die witsjokolade soos die donkersjokolade. Skep in ’n klein spuitsak en spuit klein strepies op balle. Haal kaaskoek versigtig uit koekpan en plaas op opdienbord. Gooi karamelsous oor en garneer met rugbyballe.

BARBARA SE WENK

Moenie bekommerd raak as die kaaskoek bo-op bars en taamlik rys nie. Dit kan veral teen die einde van die bakproses gebeur. Wanneer die koek afkoel, sal dit effens sak en die krake sal toegaan.

 

The post Kaaskoek spesiaal vir die Leeus appeared first on SARIE.

Sjefs en foodies se inspirasie kom van nature in en uit die kombuis. Maar het jy geweet dis dikwels ook die inspirasie vir die naam van hul geliefde troeteldiere?

Hierdie foodies en bekendes het almal hul troeteldier ’n naam gegee wat kosverwant is. En kyk net hoe kos(te)lik lyk hulle.

Barbara Joubert, SARIE KOS redakteur, sê: “My oudste dogter, Nina, se worshond word Basil genoem. Sy sê wanneer sy haar tweede hondjie kry, gaan sy dit Pesto noem. My dogter Anya se worshondjie word Knoffel genoem.”

Basil FOTO Verskaf

Knoffel FOTO Verskaf

Herman Lensing, SARIE kosredakteur, se twee honde heet Vanilla en Truffle. Vanilla, die labrador, het model gespeel in SARIE Karamel!

Vanilla FOTO Verskaf

Truffle vra waarom hy nie mag roomys eet nie? #beaglelove @beagleworld

A photo posted by Herman Lensing (@lensingherman) on Nov 29, 2015 at 12:50am PST

Errieda du Toit, kosskrywer, noem haar die fluweelbruin Labrador wat geensins ’n afknoppie het as dit by eet kom nie Tjoklit. 

Tjoklit FOTO Verskaf

Hulle het ook die hond Poerring. “Wat sy naam gekry het oor hy so so goudbruin soos sticky toffiepoeding was toe hy klein was. Met sy kwylery het hy nou die bynaam Souskluitjies.“

Poering FOTO Verskaf

Sjef Bertus Basson het 3 honde, Patat, Snoek en Bone, en ’n varkie, Spek. Hy het al geskerts as sy diere almal kosname het, wonder hy wat hy eendag sy kinders gaan noem. 

FOTO Verskaf

Ander bekendes en hul diere:

Adam Sandler se bulhond Meatball was selfs sy strooijonker by sy troue in 2003. Meatball is intussen oorlede en meer as 100 mense het sy begrafnis bygewoon.

Fergie en Josh Duhamel se worshond word Meatloaf genoem. 

Kelly Osbourne se blonde pommer heet Polly, maar sy het voorheen ’n swartetjie gehad met die naam Noodles.

#Polly is quite the jet setter. so excited to finally be in #NYC for the summer @projectrunwayjunior here we come!!!! A photo posted by Kelly Osbourne (@kellyosbourne) on Jul 25, 2016 at 12:45pm PDT

Hugh Jackman se Mocha, ’n Franse bulhond, is genoem na die gewilde koffie.

FOTO Instagram

Lees nou

FOTO’S: Nadia Beukes se bruidstee

Riller: Kolle op Michael Phelps se lyf

The post Bekendes se kos(te)like troeteldiere appeared first on SARIE.

Wat eet ’n wenner? Wayde van Niekerk se gunsteling-kos is dié wat sy ma maak, maar hy het al in onderhoude gesê vleis is sy nommereen-keuse. 

As ek vandag vir hierdie goue atleet ’n ete kon kook, sou dit beslis dié gereg wees.

Bruinbredie met lam, uie en aartappels

FOTO Micky Hoyle
SARIE KOS APR/MEI 2014

En wat van Bolt?

Vanjaar het Usain Bolt net weer bewys dat hy, soos onse Wayde, ’n supermasjien op die atletiekbaan is. Met sy lang bene en reuse-treë hardloop Usain toe sowaar in drie agtereenvolgende Olimpiese Spele met die 100 m-goud weg!

Het jy geweet?

Tydens die 2008-Spele in die Chinese hoofstad Beijing het Usain 1 000 hoender-McNuggets in 10 dae geëet! Hy het begin met ’n boks van 20 nuggets per dag. Kort daarna was dit 100 nuggets per dag – twee bokse vir ontbyt, nog ’n boks vir middagete en nog ’n paar vir aandete, saam met tjips en appeltert. Chinese kos het hom duidelik nie aangestaan nie. Deesdae eet hy glo baie meer groente.

As jy self nou lus is vir hoender-nuggets, het ons die lekkerste resep wat Usain se goedkeuring sal wegdra! Klik HIER vir die resep.

Usain Bolt se hoendernuggets met mango-en-pynappelsous
FOTO: Micky Hoyle

Lees nou

Dís wat Usain vir Wayde gesê het

Tannie Ans help Wayde wen!

Wayde in syfers

The post ‘Dít sal ek vir Wayde kook’ – Barbara appeared first on SARIE.

Die 50ste herdenking van die Amatriciana Spaghetti-fees sou hierdie week in die Amatrice gehou word. Maar dié Italiaanse dorpie is Woensdag deur ’n kragtige aardbewing verwoes.

Na-skokke, wat 4.8 geregistreer het op die Richter-skaal, het vanoggend verdere skade aangerig. Die Italiaanse regering het ’n noodtoestand afgekondig, met die voorlopige dodetal wat reeds op 267 staan.

600 sjefs van oor die wêreld, onder andere Jamie OIiver, wil nou ’n verskil maak, berig Fortune. Amatrice is bekend vir die pastagereg all’amatriciana, met ’n sous van varkwang en tamatiesous. As deel van ’n veldtog sal sjefs dié gereg op hul spyskaarte byvoeg en €2 (sowat R32) van elke bestelling aan die Rooi Kruis skenk.

Hi guys in support of the victims of the earthquake in Italy me and my 700 chefs at Jamie’s Italian are cooking the specific dish from the area “Pasta Amatriciana” it will be on the specials board tonight at @jamiesitalianuk for a month £2 pound from each dish will go straight to the international red cross and I think we can easily make thousands and thousands of pounds to help…. Many restaurants are getting involved and this could really make a difference, money will go to supporting to Fire Fighters in the digging set up of tent camps for homeless and provision of food and clothing and medical assistance to people injured, old, kids, pregnant. Sadly this activity will run for months to come as it will take time to relocate people in new accomodations. But we can support for the same time – every bit of help will count big love to all and big love from me and my teams to our Friends in Italy we love you #eatforitaly @elbi #terremotocentroitalia #every1counts

A photo posted by Jamie Oliver (@jamieoliver) on Aug 25, 2016 at 7:37am PDT

Stefania Proietti, the mayor of Assisi, told me Assisi restaurants would donate €2 from every pasta all’amatriciana to quake aid efforts!

— Rachel Donadio — NYT (@RachelDonadio) August 24, 2016

Op eie bodem is dit presies wat Fortunato Mazzone, eienaar van die restaurant Ritrovo in Pretoria, gaan doen. Hy het al ’n paar keer die streek besoek en sy hart gaan uit na die mense.

“Ons wil graag die wonderlike voorbeeld volg en ons deel doen,” sê Fortunato. By Ritrovo sal hulle vir die volgende twee weke dié gereg voorsit en vir elke bord wat verkoop word, sal hulle R50 skenk aan die Italiaanse Rooi Kruis. ’n Tjek vir die finale bedrag sal oorhandig word aan die Italiaanse ambassadeur, Pietro Giovanni Donnici.

FOTO Verskaf

Besoek gerus Ritrovo, een van Gauteng se gewildste Italiaanse eetplekke, om hierdie veldtog te ondersteun. Neem jou vriende, familie en geliefdes vir ’n feesmaal wat ’n verskil kan maak in iemand se lewe.

Wat kan jy verwag?

Brosgebraaide pancetta of guanciale (varkwang), vars rissies, uie, tamatie en basiliekruid voorgsit met hande vol geurige pecorino-kaas op bucatini. Bucatini is byna soos spaghetti, maar dis dikker en die pasta is hol van binne.

Lees nou

Pieter-Dirk se 10 lewensreëls

Donkies verdien beter!

The post Pretoria eet pasta en gee om appeared first on SARIE.

Dit is ’n gewilde Suid-Afrikaanse sous wat jy saam met jou steak of hamburger kan geniet. Die woordeboeke noem dit kruiderysous, maar almal ken die gewilde sous as monkey gland.

Maak jou eie monkey gland-sous met hierdie maklike stappe! Jy kan dit tot twee weke geniet, maar dit moet in die yskas gebêre word.

Bestanddele

• 1 ui
• 15 ml olyfolie
• 2 knoffelhuisies, fyngekap
• 125 ml water
• 1 x 410 g-blik gekapte tamaties
• 250 ml tamatiesous
• 125 ml worcestersous
• 200 ml blatjang
• 70 g (90 ml) suiker
• 30 ml wit asyn
• 5 ml Tabasco-sous

Metode

Stap  1. Kap ui baie fyn.

Stap  2. Verhit olyfolie in kastrol en voeg gekapte ui en knoffel by. Braai oor lae hitte tot sag en deurskynend.

Stap 3. Voeg res van bestanddele by gebraaide ui-mengsel. Bring tot kookpunt en verlaag dan die hitte.

Stap 4. Laat prut oop vir 1½ – 2 uur. Roer nou en dan om seker te maak dit brand nie vas onder nie. Laat afkoel.

Maak jou eie tamatiesous

Maak hierdie tamatiesous met oortollige tamaties uit jou tuin. Dit smaak vars en dis lekker lig – kry die resep hier.

FOTO Mickey Hoyle

Lees nou

Spaghetti met tamatiesous en swart olywe

Broccoli met kaassous

Radys-en-perskool-karringmelksous- slaai

The post Maak jou eie monkey gland-sous appeared first on SARIE.

Gewoonlik pak ek klein uitjies om my lamsboud. Hierdie manier van uitjies gaarmaak is heerlik, veral die asynsmaak.

• 6 klein rooi-uie
• 6 klein wit uie
• 60 ml olyfolie
• 15 ml balsemasyn
• 4 takkies vars tiemie
• sout en varsgemaalde swartpeper

Verhit oond tot 200 °C. Pak uie in oondbak en gooi olie en asyn oor. Pak tiemie bo-op en geur met sout en peper. Maak bak toe met foelie en plaas in oond. Bak sowat 30 minute en haal foelie af. Oondbak oop vir nog sowat 45 minute tot uie mooi bruin en sag is. Sit warm voor.

The post Geroosterde uie appeared first on SARIE.

Dis nou pruimtyd – perfek vir hierdie heerlike nagereg met die soetsuur smaak. Maak die deeg en vulsel al die vorige dag.

DEEG
• 250 g (445 ml) koekmeel
• 125 g (135 ml) botter, in blokkies gesny
• 50 g (60 ml) strooisuiker
• 1 eiergeel
• 45 ml koue water

VULSEL
• 16 pruime
• 5 ml fyn kaneel
• 200 g (250 ml) suiker
• 100 g (110 ml) botter
• 100 ml heuning

PLUS
• 1 geklitste eier
• versiersuiker vir oorsif
• 250 ml room

Deeg Plaas meel en botter in voedselverwerker se bak. Meng tot botter in meel ingewerk is. Voeg suiker by. Klits eiergeel en water saam in bakkie en voeg by. Meng tot deeg vorm. Haal uit en maak deeg toe met kleefplastiek. Plaas in yskas tot benodig.

Vulsel Verhit oond tot 200 °C. Halveer pruime en verwyder pitte. Sny halwe pruime in kwarte. Plaas in oondbak en gooi kaneel en suiker oor. Stip botter oor en sprinkel met heuning. Plaas in oond en bak 1 uur tot pruime sag is. Haal uit en laat afkoel. Haal deeg sowat 30 minute voor jy dit gaan uitrol uit die yskas. Spuit 6 losboom-quiche-pannetjies van 8 cm in deursnee met kleefwerende kossproei. Rol deeg uit op meelbestrooide werkvlak. Voer pannetjies uit met deeg en skep afgekoelde pruime in. Sny patrone uit oortollige deeg en versier vulsel bo-op. Smeer dié stukkies deeg met geklitste eier en plaas pannetjies op ’n bakplaat. Plaas in oond en bak 35 – 45 minute.

Haal uit oond en laat effens afkoel. Haal tertjies uit pannetjies en sif bietjie versiersuiker oor. Sit voor met room.

The post Franse pruimtertjies appeared first on SARIE.

Wat sal jou kombuis sonder ’n yskas wees? En om te dink daar was ’n tyd toe yskaste nie bestaan het nie.

Wat moet buite die yskas bly? 

Eiers – In supermarkte koop jy eiers van die winkelrak en nie uit ’n yskas nie. Jy kan jou eiers by die huis vir week uit die yskas hou as dit glad nie voorheen in die yskas was nie. As eiers eers in die yskas was, kan jy dit vir 1 dag buite die yskas hou.

FOTO Unsplash

Tamaties – Hou jou vars tamaties buite die yskas. Dit smaak lekkerder en word gouer ryp. Tamaties wat in die yskas gehou word voordat dit heeltemal ryp is, gaan baie waterig smaak.

FOTO Unsplash

Vir nog goed wat buite die yskas moet bly klik hier.

Wat moet binne die yskas bly?

Uie – ’n Lekker wenk om te keer dat die trane spat wanneer jy uie sny of fynkap is om jou uie in die yskas te hou. Wanneer jy ’n koue ui fynkap, keer dit die trane.

Gepekelde uie
FOTO Micky Hoyle

Gebottelde eetgoed – Oopgemaakte flessies met kos soos olywe, agurkies en konfyt beland dikwels agter in die yskas sodat jy daarvan vergeet en nie meer weet wanneer jy dit oopgemaak het nie. Hou ’n viltpen met permanente ink in jou kombuis en skryf op die deksel wanneer jy die bottel oopgemaak het.

Lees nou

5 nageregte sonder om te bak

Ontbytpastei vir ’n gatskop-dag

The post Yskas-wenke appeared first on SARIE.

Onthaal met rooibos vanaf jou voorgereg tot jou nagereg. Smul aan tamatiesop gerook met rooibos. Proe die Griekse geure van baklava met rooibosstroop en lek jou lippe af vir vele meer.

“Ek is passievol oor ons onthou-kos,” skryf SARIE KOS se redakteur, Barbara Joubert.

5 redes waarom rooibos goed is vir jou

1. Rooibos kan moontlik sekere gene aanskakel wat help om kankerselle af te breek.

2. Ses koppies rooibostee (deur die dag) kan help om jou hart gesond te hou.

3. Rooibos verminder die produksie van kortisol, die sogenaamde streshormoon. En dus ook die vernietigende uitwerking van stres op die liggaam.

4. Rooibos voorkom die oormatige indringing van vetweefsel in die lewer – ’n potensieel ernstige toestand.

5. Dit help om allergieë te verlig deur die produksie van ’n ensiem (sitochroom P450) aan te wakker wat allergene help metaboliseer.

FOTO Unsplash

Kyk hoe maak Suzelle DIY en Evita Bezuidenhout rooibosbeskuit:

Lees nou

Inspirasiekos met SARIE se mozzarella-resepte

Só lyk die nuwe klassieke wit hemp

FOTO: Só lyk Behati en Adam se baba

The post In jou nuutste SARIE KOS: Toor met rooibos appeared first on SARIE.

Maak hierdie smoothie in ’n japtrap vir ontbyt. Dis vullend en gesond. 

(sowat 500 ml)

Bestanddele

• 250 ml melk
• 1 piesang, in stukke gesny
• 125 ml muesli met neute
• 15 ml heuning
• halwe papaja, in blokke gesny
• 3 ysblokkies

Vir bo-op

• 1 skyfie papaja
• 15 ml muesli
• 5 ml heuning

Gooi al die bestanddele in jou smoothie-masjien. Verwerk tot glad. Gooi in glase en versier met papaja, muesli en heuning.

The post Ontbyt in ’n glas appeared first on SARIE.